اباي وبلىستىق پوليتسيا دەپارتامەنتىنىڭ كوشى-قون قىزمەتىنىڭ باسشىسى گۇلۆيرا دونەنباەۆا مەن اباي اۋدانىنىڭ ينسپەكتورى پارا العانى ءۇشىن سوتتالدى. بۇل تۋرالى قر سىبايلاس جەمقورلىققا قارسى ءىس-قيمىل اگەنتتىگى جاريالادى، دەپ حابارلايدى “ادىرنا” ۇلتتىق پورتالى.
«8 تامىزدا سەمەي قالاسىنىڭ №2 سوتىمەن اباي وبلىسىنىڭ پد كوشى - قون قىزمەتى باسقارماسىنىڭ باستىعى گ. دونەنباەۆاعا، وسى باسقارمانىڭ ەرەكشە تاپسىرمالار جونىندەگى اعا ينسپەكتورى ر. سادىقوۆقا جانە سەمەي ق. پب كوشى-قون قىزمەتى ءبولىمىنىڭ ينسپەكتورى ا. نۇراحمەتوۆاعا قاتىستى ۇكىم جاريالاندى»، - دەلىنگەن حابارلامادا.
كوشى-قون قىزمەتىنىڭ باسشىسى دونەنباەۆا ينسپەكتور سادىقوۆ ارقىلى نۇراحمەتوۆانى تاعايىنداۋ ءۇشىن 1 مىڭ دوللار اۋدارعان.
اقپاراتقا سايكەس، دونەنباەۆا 4 جىل، نۇراحمەتوۆا 3 جىل، سادىقوۆ 3 جىل 6 ايعا باس بوستاندىعىنان ايىرىلدى.
«سونىمەن بىرگە سوتتالعاندار ارناۋلى اتاقتارىنان جانە مەملەكەتتىك قىزمەتتە جانە كۆازيمەملەكەتتىك سەكتوردا لاۋازىمداردى اتقارۋ قۇقىعىنان ايىرىلادى»، - دەپ تولىقتىردى كورروزياعا قارسى قىزمەت.
ايتا كەتەيىك، دونەنباەۆا بىرنەشە جىل بۇرىن جەلى قولدانۋشىلارى سىنعا العان ەرەكشە شاش ۇلگىسىمەن كورىنگەننەن كەيىن كوپشىلىككە تانىمال بولعان.
