فرانتسيانىڭ اۆينون قالاسىندا جانتۇرشىكتىرەرلىك قىلمىس جاساعان ازاماتقا قاتىستى سوت پروتسەسى اياقتالدى، دەپ حابارلايدى “ادىرنا” ۇلتتىق پورتالى.
72 جاستاعى دومينيك پەليكو ءوزىنىڭ بۇرىنعى ايەلى جيزەلگە اۋىر قىلمىس جاساعانى ءۇشىن 20 جىلعا باس بوستاندىعىنان ايىرىلدى. ول ايەلىن 2011-2020 جىلدار ارالىعىندا ەسىرتكى قولدانىپ ۇيىقتاتىپ، بوگدە ەر ادامداردى ۇيىنە شاقىرىپ، ونى زورلاۋعا مۇمكىندىك بەرگەن. بۇل قىلمىستاردى بەينەجازبالار دالەلدەدى.
سوتتا دومينيك پەليكونىڭ قىلمىستارىنا قاتىسقان تاعى 50 ادام جاۋاپقا تارتىلدى. ولاردىڭ بارلىعى كىنالى دەپ تانىلدى. قىلمىسكەرلەردىڭ جاسى 26 مەن 74 اراسىندا. سوتتالعانداردىڭ اراسىندا ءورت ءسوندىرۋشى، جۋرناليست، IT-مامانى، سانتەحنيك جانە اسكەري قىزمەتكەرلەر بار. كوپشىلىگى وتباسىلى، بالالارى بار ەكەنى انىقتالدى.
بۇل سوت ءىسىنىڭ ەرەكشە تۇسى – ونىڭ اشىق ءارى مەديالىق تۇردە وتكەندىگى. مۇنداي جاعداي جىنىستىق زورلىق-زومبىلىق ىستەرىندە سيرەك كەزدەسەدى. جابىرلەنۋشى جيزەل پەليكو سوتتىڭ اشىق ءوتۋىن تالاپ ەتىپ، قوعام قولداۋىنا يە بولدى. فرانتسيانىڭ تۇكپىر-تۇكپىرىندە مىڭداعان ادامدار ونىڭ ادىلدىك ىزدەۋ جولىنا قولداۋ كورسەتىپ، شەرۋلەر ۇيىمداستىردى.
