پاريج وليمپياداسىندا قازاقستاندىق ءبيشىمىز ءامىر زاكيروۆ ءۇشىنشى كەزدەسۋىندە جەڭىسكە جەتىپ، شيرەك فينالعا جولداما الدى، دەپ حابارلايدى “ادىرنا” ۇلتتىق پورتالى.
پاريج وليمپياداسىندا برەيكينگتەن ەل نامىسىن قورعاپ جاتقان AMIR ءۇشىنشى باتتلدا تايپەيلىك QUAKE-ءتى جەڭىپ، D توبىنان ەكىنشى ورىنمەن 1/4 فينالعا شىقتى.
قوسا كەتەيىك، برەيكينگ نەمەسە برەيك-دانس – كوشە ءبيى، حيپ-حوپ مادەنيەتىنىڭ ءبىر ءتۇرى. حالىقارالىق وليمپيادا كوميتەتىنىڭ رەسمي سايتىنداعى اقپاراتقا سۇيەنسەك، برەيكينگ 1970 جىلدارى اقش-تا پايدا بولعان. ول اكروباتيكالىق قوزعالىستارمەن جانە اياق قيمىلىمەن ورىندالادى. بيىلعى وليمپيادادان باستاپ برەيكينگ ونەرى سپورت ءتۇرى رەتىندە سانالىپ، ەلدەر اراسىندا مىقتىلاردى ىرىكتەيتىن بولادى.
