تانىمال قاقپاشى شەرحان قالمىرزا ەۋروپا چەمپيوناتىنىڭ ىرىكتەۋ كەزەڭىندەگى ۋكراينامەن ماتچتا الاڭنان شىعارىلدى، دەپ حابارلايدى "ادىرنا" ۇلتتىق پورتالى.
ءبىرىنشى تايمنىڭ 29-مينۋتىندا قاقپاشى شەرحان قالمىرزا ۋكراين ويىنشىسىنا ايىپ الاڭىنان تىس فول جاساعانى ءۇشىن تىكەلەي قىزىل بەلگى الدى.
وسىدان كەيىن ۋكرايندىق كوماندا ساندىق ارتىقشىلىقتى پايدالانىپ، ويىننىڭ 44-ءشى مينۋتىندا گول سوقتى. ەكىنشى تايمدا ۋكراينا قۇراماسى تاعى ەكى مارتە قازاقستان قاقپاسىنا گول سالدى. ناتيجەسىندە ماتچ 0:3 ەسەبىمەن اياقتالدى.
بۇل ويىننان كەيىن ۋكراين كومانداسى توپتا 6 ۇپايمەن ءبىرىنشى ورىنعا كوتەرىلدى، ال قازاقستان قۇراماسى 3 ۇپايمەن ەكىنشى ورىنعا جايعاستى. ىرىكتەۋ كەزەڭىنىڭ سوڭعى ماتچىندا قازاقستان قۇراماسى سولتۇستىك يرلانديامەن كەزدەسەدى، ال ۋكراينا رۋمىنياعا قارسى وينايدى. ماتچتار 31 ناۋرىزدا وتەدى.
