پوليتسيا بەلگىلى قازاقستاندىق بلوگەر ايجان بايزاقوۆانىڭ ءىنىسى، بلوگەر ءاليحان بايزاقوۆتىڭ ارمان جۇماگەلديەۆتىڭ («ديكي ارمان» لاقاپ اتى) ۇيىمداسقان قىلمىستىق توبىنا (ۇقك) قاتىستى تەرگەۋ ارەكەتتەرىنە قاتىسقانىن راستادى، دەپ حابارلايدى “ادىرنا” ۇلتتىق پورتالى.
«اتالعان ازامات پوليتسياعا كۋاگەر رەتىندە جەتكىزىلدى. تەرگەۋ امالدارىن جۇرگىزگەننەن كەيىن ول بوساتىلدى»، - دەپ حابارلادى سارسەنبى كۇنى الماتى پوليتسيا دەپارتامەنتىنىڭ ءباسپاسوز قىزمەتى.
بۇعان دەيىن ىشكى ىستەر مينيسترلىگى تامىز ايىندا ۇلتتىق قاۋىپسىزدىك كوميتەتى مەن باس پروكۋراتۋرامەن بىرلەسىپ، الماتى جانە شىمكەنت قالالارىندا «ديكي ارماننىڭ»جەتەكشىلىگىمەن ۇيىمداسقان قىلمىستىق توپقا قاتىسى بار بولۋى مۇمكىن 15 ادامدى تۇتقىنداۋ جانە ءتىنتۋ جۇمىستارى جۇرگىزىلگەنىن حابارلاعان بولاتىن.
ەستەرىڭىزگە سالا كەتەيىك، ارمان جۇماگەلديەۆكە الماتىدا قاڭتار وقيعاسىنداعى تارتىپسىزدىكتەر كەزىندە قاسىندا بولعان 24 ادامدى تونادى دەگەن ايىپ تاعىلىپ وتىر.
