“ديكي ارمان” لاقاپ اتىمەن تانىمال ارمان جۇماگەلديەۆ پەن قايرات قۇدايبەرگەننىڭ ىسىندە سوت تەرگەۋى نەگە ۇزاققا سوزىلىپ جاتىر؟ بۇل سۇراققا جوعارعى سوتتىڭ قىلمىستىق ىستەر جونىندەگى سوت القاسىنىڭ توراعاسى نازگۇل راحمەتۋللين ءتۇسىندىردى، دەپ حابارلايدى “ادىرنا” ۇلتتىق پورتالى.
پارلامەنت كۋلۋارىندا راحمەتۋللينا ءبىرىنشى نەمەسە اپەللياتسيالىق ساتىداعى سوتتىڭ ءىس جۇرگىزۋىندەگى بارلىق ناقتى دەرەكتەر القالارعا ۇسىنىلماعانىن العا تارتتى.
ء"اربىر ينستانتسيا ءوز قىزمەتىن ەركىن جۇزەگە اسىرادى. مەنىڭ بىلۋىمشە، تەرگەۋ ءالى اياقتالعان جوق. قالاي اياقتالسا، سولاي بۇل تۋرالى اقپارات بولادى. سوت تەرگەۋى ءجۇرىپ جاتىر", – دەپ جاۋاپ بەردى ول.
سونىمەن قاتار، راحمەتۋلليناعا نەلىكتەن ارمان جۇماگەلديەۆ پەن الماتى قالالىق ءماسليحاتىنىڭ بۇرىنعى دەپۋتاتى قايرات قۇدايبەرگەننىڭ ىستەرى كارىم ءماسىموۆ پەن ونىڭ بۇرىنعى ورىنباسارى سامات ابىشكە قاراعاندا ۇزاققا سوزىلىپ جاتقانىن سۇرادى. سوت القاسىنىڭ باسشىسى بۇعان سوت زەرتتەۋگە مىندەتتى كوپتەگەن ماتەريالدار بار ەكەنىن ايتىپ جاۋاپ بەردى.
"ىستەر ءارتۇرلى بولادى. ءبىر ەپيزودتان عانا تۇراتىن ءىس بار. وندا ءبىر جابىرلەنۋشى مەن ءبىر كۋاگەر بولۋى مۇمكىن. سايكەسىنشە ونى بىرنەشە وتىرىستا-اق اياقتاۋعا بولادى. ال 50 سوتتالۋشى، 250 جابىرلەنۋشى بولسا، سوت بارلىق جايتتى تولىعىمەن تەكسەرۋگە مىندەتتى. قىلمىستىق ءىس ماتەريالدارى كوپ ىستەر بار. سول سەبەپتى ونىڭ قاشان اياقتالاتىنىن ايتا المايمىن. مۇنىڭ ءبارىن سوت جەكە شەشەدى. بۇگىنگى تاڭدا، مەنىڭ بىلۋىمشە، ءالى اياقتالعان جوق", – دەدى راحمەتۋللينا.
