الەمگە تانىمال پوپ-جۇلدىز مادوننا يرانداعى نارازىلىق اكتسيالارىنا قاتىسىپ جاتقان ازاماتتارعا قولداۋ ءبىلدىردى، دەپ حابارلايدى "ادىرنا" ۇلتتىق پورتالى.
بۇل تۋرالى ول Instagram الەۋمەتتىك جەلىسىندەگى پاراقشاسىندا جازدى.
ءانشىنىڭ ايتۋىنشا، يراندا ايەلدەر مەن ازاماتتار ءسوز بوستاندىعى، كيىم كيۋ جانە ەركىن قوزعالۋ قۇقىقتارىنا قاتىستى ءتۇرلى شەكتەۋلەرگە تاپ بولىپ وتىر. وسى سەبەپتى ول ەلدە وزگەرىستەردى قالايتىن جانداردىڭ جاعىندا ەكەنىن اتاپ ءوتتى.
«يران حالقى عاسىرلار بويى ەركىندىكتى سەزىنگەن جوق. ولاردىڭ قانداي قيىندىقتاردان وتكەنىن تولىق تۇسىنە الماۋىم مۇمكىن، بىراق مەنىڭ ويىم مەن دۇعام يران حالقىمەن بىرگە»، – دەپ جازدى مادوننا.
ايتا كەتەيىك، سوڭعى اپتالاردا يراندا الەۋمەتتىك-ەكونوميكالىق جاعدايدىڭ ناشارلاۋىنا بايلانىستى جاپپاي نارازىلىقتار جالعاسىپ كەلەدى.
