بۇگىن، 7 تامىز قازاقستاندىقتار الماتى اۋەجايىندا پاريج وليمپياداسىنا قاتىسقان ۇلتتىق قۇراما سپورتشىلارىنىڭ ءبىر لەگىن قارسى الدى، دەپ حابارلايدى "ادىرنا" ۇلتتىق پورتالى.
ەلگە ورالعان سپورتشىلاردىڭ اراسىندا وليمپيادانىڭ قولا جۇلدەگەرلەرى يسلام ساتپاەۆ پەن الەكساندرا لە، كۇمىس مەدالدىڭ يەگەرى ناريمان قۇربانوۆ بولدى. ولاردى الماتىنىڭ حالىقارالىق اۋەجايىنان باق وكىلدەرى، جاقىندارى مەن جانەكۇيەرلەرى سالتاناتتى تۇردە كۇتىپ الدى.
ايتا كەتەيىك، يسلام ساتپاەۆ پەن الەكساندرا لە 27 شىلدەدە پنەۆماتيكالىق ۆينتوۆكامەن 10 مەترگە نىسانا كوزدەۋدەن ارالاس كوماندالىق سىندا وليمپيادانىڭ قولا جۇلدەسىن جەڭىپ الدى.
3 تامىزدا ناريمان قۇربانوۆ پاريج وليمپياداسىندا سپورتتىق گيمناستيكانىڭ ات سناريادىنداعى جاتتىعۋدا كۇمىس جۇلدەگە يە بولدى.
ۇقساس جاڭالىقتار
