شىمكەنتتىڭ ەكس-اكىمىنىڭ اعاسى مارات ايتەنوۆ 12 تاۋلىككە قاماۋعا الىندى.
بۇل تۋرالى بۇگىن استانانىڭ قىلمىستىق ىستەر جونىندەگى مامانداندىرىلعان سوتى ۇكىم شىعاردى، دەپ حاارلايدى “ادىرنا” ۇلتتىق پورتالى.
«1978 جىلى تۋعان مارات ايتەنوۆ قىلمىستىق كودەكستىڭ “ۇرىپ-سوعۋ“ بابى بويىنشا قىلمىستىق قۇقىق بۇزۋشىلىقتى جاساعانى ءۇشىن كىنالى دەپ تانىلىپ، 12 تاۋلىككە قاماۋعا الۋ جازاسى تاعايىندالسىن»، — دەلىنگەن سوت ۇكىمىندە.
ا. سوت شەشىمىنىڭ نەگىزىندە سوت ورىنداۋشىلارىنىڭ تالابىنا ساي كوشىرۋ بارىسىندا د.-عا، ياعني بۇرىنعى جۇبايىنا قاتىستى قاساقانا زورلىق-زومبىلىق ارەكەتتەرىن جاساپ، كەلتىرىلگەن دەنە جاراقاتتارى سالدارىنان ەكس جۇبايىنىڭ دەنەسى كوگەرىپ، قانتالاعان بولاتىن.
سوتتالۋشىنىڭ كىناسى وقيعا ورنىندا تۇسىرىلگەن بەينە جازبا سونداي-اق سوت-مەديتسينالىق ساراپتامانىڭ قورىتىندىسىنا ءارى ءىستىڭ باسقا دا ماتەريالدارىمەن دالەلدەندى.
سوت اكتىسى زاڭدى كۇشىنە ەنگەن جوق.
ەسكە سالا كەتسەك، بۇعان دەيىن دانا اتەشوۆا 12 شىلدە كۇنى بۇرىنعى كۇيەۋى مەن ونىڭ ادامدارى ءتارتىپ ساقشىلارىمەن ءوزىن ۇيدەن كۇشتەپ، قۋىپ شىقپاق بولعانىن تۋرالى مالىمدەدى. اتەشوۆا بۇرىنعى كۇيەۋى مارات ايتەنوۆتىڭ ۇستىنەن بىرنەشە رەت شاعىمدانعان.
