پارلامەنت ءماجىلىسىنىڭ دەپۋتاتى جۇلدە الا الماعان ءابيبا ابۋجاقىنوۆاعا سىياقى بەرەتىنىن ايتتى، دەپ حابارلايدى “ادىرنا” ۇلتتىق پورتالى.
ماجىلىسمەن ايداربەك قوجانازاروۆ وسى شەشىمىن تۋرالى Instagram جەلىسىندەگى پاراقشاسىندا جازدى.
تاتاميدە بەلدەسكەن ءابيبا ابۋجاقىنوۆانىڭ ونەرىنە دەپۋتات ريزا بولعانىن ايتتى. ول پاريج تورىندە ونەر كورسەتكەن قازاق قىزىنىڭ تاربيەسى مەن تەكتىلىگىنە تاڭدانعانىن دا جاسىرعان جوق.
"تۇنىمەن دوڭبەكشىپ ۇيىقتاي المادىم. وعان سەبەپ - ءابيبا قارىنداسىمنىڭ كوز جاسى. بۇل نامىستىڭ كوز جاسى. بۇل تەكتىلىكتىڭ بەلگىسى. بۇل ۇلكەن تاربيەنىڭ ۇلگىسى! قىسقاسى، ءابيبا قىزىمىزعا ءوز اتىمنان ارنايى سىياقى بەرەمىن. پاريجدە قازاقستاننىڭ ابىرويىن قورعايمىن دەپ بارىن سالدى. جاراقات السا دا قايتقان جوق. وسىنداي ەڭبەكتى باعالاۋ كەرەك. وسىنداي پاتريوتتىقتى ناسيحاتتاۋ كەرەك! قانەكي، جالعاستىرايىق، قازاقتىڭ جىگىتتەرى!", -دەدى ايداربەك قوجانازاروۆ.
