Parlament májilisiniń depýtaty júlde ala almaǵan Ábıba Ábýjaqynovaǵa syıaqy beretinin aıtty, dep habarlaıdy “Adyrna” ulttyq portaly.
Májilismen Aıdarbek Qojanazarov osy sheshimin týraly Instagram jelisindegi paraqshasynda jazdy.
Tatamıde beldesken Ábıba Ábýjaqynovanyń ónerine depýtat rıza bolǵanyn aıtty. Ol Parıj tórinde óner kórsetken qazaq qyzynyń tárbıesi men tektiligine tańdanǵanyn da jasyrǵan joq.
"Túnimen dóńbekship uıyqtaı almadym. Oǵan sebep - Ábıba qaryndasymnyń kóz jasy. Bul namystyń kóz jasy. Bul tektiliktiń belgisi. Bul úlken tárbıeniń úlgisi! Qysqasy, Ábıba qyzymyzǵa óz atymnan arnaıy syıaqy beremin. Parıjde Qazaqstannyń abyroıyn qorǵaımyn dep baryn saldy. Jaraqat alsa da qaıtqan joq. Osyndaı eńbekti baǵalaý kerek. Osyndaı patrıottyqty nasıhattaý kerek! Qanekı, jalǵastyraıyq, qazaqtyń jigitteri!", -dedi Aıdarbek Qojanazarov.
