قوستاناي وبلىسىنا قاراستى فەدوروۆ اۋدانىنا قاراستى پەشكوۆ اۋىلدىق وكۋرۋگىندەگى 720 مەترلىك لەنين كوشەسى 41 229 360 تەڭگەگە ورتاشا جوندەۋدەن وتپەك، دەپ حابارلايدى ادىرنا ۇلتتىق پورتالى satypalu.gov.kz سايتىنا سىلتەمە جاساپ.
"فەدوروۆ اۋدانىنىڭ ەكونوميكا جانە قارجى ءبولىمى" مەملەكەتتىك مەكەمەسى "فەدوروۆ اۋدانى پەشكوۆسكي اۋىلدىق وكرۋگى پەشكوۆكا اۋىلىنداعى لەنين كوشەسىنەن تەمىر جول وتكەلىنە دەيىنگى جول ۋچاسكەسىن ورتاشا جوندەۋ، ۇزىندىعى – 0,72 كم" دەگەن تاقىرىپپەن جاريالاعان مەملەكەتتىك ساتىپ الۋعا وتىنىمدەردى قابىلداۋ 29 شىلدە كۇنى باستالىپ، جەڭىمپاز كومپانيا 13 تامىز كۇنى انىقتالادى.
اشىق ينتەرنەت كوزدەرىنىڭ مالىمەتىنە قاراعاندا پەشكوۆ اۋىلدىق وكۋرگىنىڭ قۇرامىنا پەشكوۆكا، بولشوە، كالينوۆكا، كراۆتسوۆو، پولتاۆكا اۋىلدارى كىرەدى. ورتالىعى – پەشكوۆكا اۋىلى. حالىق سانى 3,5 مىڭ.
اۋدانىنىڭ اتى فەدوروۆ، اۋىلىنىڭ سويى پەشكوۆ، كوشەسىنىڭ اتاۋى لەنين بولعاندىقتان با، فەدوروۆ اۋدانىنىڭ ەكونوميكا جانە قارجى ءبولىمى تەندەر جاريالاۋ ءۇشىن مەملەكەتتىك ءتىلدى ءتىپتى قاجەتسىنبەيتىن سياقتى. تەندەردىڭ تەحنيكالىق سيپاتتاماسىندا قازاق تىلىندە ءبىر اۋىز ءسوز جازىلماعان.
لەنين كوشەسىنىڭ 0,72 كم جەرىن ورتاشا جوندەۋگە بيۋدجەتتەن 41 229 360 تەڭگە جۇماساۋ از با، كوپ پە؟ بۇل سۇراققا وقىرمان جاۋاپ بەرسىن. ءبىز قوستاناي وبلىسى اكىمدىگىنىڭ قوعامدىق دامۋ باسقارماسىنان اۋداننىڭ، اۋىلدىق وكۋرگكە قاراستى ەلدىمەكەندەردىڭ ءھام كوشەلەردىڭ كەڭەستىك شەكپەندى نەگە شەشپەي وتىرعانىن سۇراپ، حات جولدادىق. ولاردان جەتكەن جاۋاپتى الداعى ۋاقىتتا جاريالايتىن بولامىز.
اقان اسىل
“ادىرنا” ۇلتتىق پورتالى
