Qostanaı oblysyna qarasty Fedorov aýdanyna qarasty Peshkov aýyldyq okýrýgindegi 720 metrlik Lenın kóshesi 41 229 360 teńgege ortasha jóndeýden ótpek, dep habarlaıdy Adyrna ulttyq portaly satypalu.gov.kz saıtyna silteme jasap.
"Fedorov aýdanynyń ekonomıka jáne qarjy bólimi" memlekettik mekemesi "Fedorov aýdany Peshkovskıı aýyldyq okrýgi Peshkovka aýylyndaǵy Lenın kóshesinen temir jol ótkeline deıingi jol ýchaskesin ortasha jóndeý, uzyndyǵy – 0,72 km" degen taqyryppen jarııalaǵan memlekettik satyp alýǵa ótinimderdi qabyldaý 29 shilde kúni bastalyp, jeńimpaz kompanııa 13 tamyz kúni anyqtalady.
Ashyq ınternet kózderiniń málimetine qaraǵanda Peshkov aýyldyq okýrginiń quramyna Peshkovka, Bolshoe, Kalınovka, Kravovo, Poltavka aýyldary kiredi. Ortalyǵy – Peshkovka aýyly. Halyq sany 3,5 myń.
Aýdanynyń aty Fedorov, aýylynyń soıy Peshkov, kóshesiniń ataýy Lenın bolǵandyqtan ba, Fedorov aýdanynyń ekonomıka jáne qarjy bólimi tender jarııalaý úshin memlekettik tildi tipti qajetsinbeıtin sııaqty. Tenderdiń tehnıkalyq sıpattamasynda qazaq tilinde bir aýyz sóz jazylmaǵan.
Lenın kóshesiniń 0,72 km jerin ortasha jóndeýge bıýdjetten 41 229 360 teńge jumasaý az ba, kóp pe? Bul suraqqa oqyrman jaýap bersin. Biz Qostanaı oblysy ákimdiginiń qoǵamdyq damý basqarmasynan aýdannyń, aýyldyq okýrgke qarasty eldimekenderdiń hám kóshelerdiń keńestik shekpendi nege sheshpeı otyrǵanyn surap, hat joldadyq. Olardan jetken jaýapty aldaǵy ýaqytta jarııalaıtyn bolamyz.
Aqan Asyl
“Adyrna” ulttyq portaly
