قوستاناي وبلىسىندا قازاقستان تەمىر جولى فيليالىنىڭ باسشىلارى جەمقورلىعى ءۇشىن سوتتالدى. بۇل تۋرالى سىبايلاس جەمقورلىققا قارسى ءىس-قيمىل اگەنتتىگىنىڭ ءباسپاسوز قىزمەتى مالىمدەدى، دەپ حابارلايدى “ادىرنا” ۇلتتىق پورتالى.
بەيىمبەت مايلين اۋدانىنىڭ سوتى «قتج – جۇك تاسىمالى» جشس فيليالىنىڭ قوستاناي پايدالانۋ لوكوموتيۆ دەپوسىنىڭ باستىعى ا. ماحمۋتوۆقا، ونىڭ ورىنباسارى ج. سىرمانوۆقا، جىلۋ تەحنيگى ب.سەرىكۇلىنا جانە «قازاقستان-وەك» ءسۇ» جشس توبىل ستانتسياسىنىڭ وتىن قويماسىنىڭ باستىعى ك. ەليۋسينوۆقا قاتىستى ۇكىم شىعاردى.
“ولار قتج ديزەل وتىنىن جانە تەمىرجول كرانىن جوندەۋگە بولىنگەن قاراجاتتى جالپى سوماسى 12 ملن تەڭگەگە جىمقىرعانى ءۇشىن كىنالى دەپ تانىلدى. ماحمۇتوۆ، سىرمانوۆ، ەليۋسينوۆ 3 جىلدان 4 جىل 6 ايعا دەيىن باس بوستاندىعىنان ايىرۋعا، سەرىكۇلى 3 جىلعا باس بوستاندىعىنان شەكتەۋگە سوتتالدى”. دەلىنگەن حابارلامادا.
سونىمەن قاتار سوتتالعاندار ءومىر بويى مەملەكەتتىك قىزمەتتە قىزمەت اتقارۋ قۇقىعىنان ايىرىلادى.
ۇكىم زاڭدى كۇشىنە ەنگەن جوق.
