جەكسەنبى، 21 شىلدە كۇنىنە قازاقستاننىڭ بارلىق اۋماعىندا داۋىلدى ەسكەرتۋ جاريالاندى، دەپ حابارلايدى “ادىرنا” ۇلتتىق پورتالى «قازگيدرومەت» رمك-عا سىلتەپ.
«استانادا 21 شىلدەدە كەي جەرلەردە نايزاعاي كۇتىلەدى. كۇندىز بۇرشاق جاۋى مۇمكىن. اقمولا وبلىسىندا 21 شىلدەدە كۇندىز شىعىستا قاتتى جاڭبىر جاۋادى. وبلىستىڭ سولتۇستىگىندە، شىعىسىندا جانە وڭتۇستىگىندە كۇن كۇركىرەپ، بۇرشاق جاۋى مۇمكىن. كۇندىز وبلىستىڭ سولتۇستىگىندە، شىعىسىندا، وڭتۇستىگىندە سولتۇستىك-باتىستان جەل سوعادى، ەكپىنى 15-20 م/س. كوكشەتاۋدا 21 شىلدەدە تاڭەرتەڭ جانە كۇندىز نايزاعاي كۇتىلەدى»، - دەلىنگەن حابارلامادا.
الماتىدا تۇندە كەي جەرلەردە نايزاعاي وينايدى. وڭتۇستىك-باتىستان جەل سوعادى، كۇن كۇركىرەيدى، ەكپىنى 15 م/س. قوناەۆتا وڭتۇستىك-باتىستان جەل سوعادى، ەكپىنى 18 م/س جەتەدى.
تۇندە تاۋلى ايماقتاردا قاتتى جاڭبىر كۇتىلەدى. وبلىستىڭ سولتۇستىگىندە، وڭتۇستىگىندە، تاۋلى ايماقتارىندا نايزاعاي ويناپ، بۇرشاق جاۋى مۇمكىن. وڭتۇستىك-باتىستان سوعاتىن جەل سولتۇستىكتە، وڭتۇستىكتە، وبلىستىڭ تاۋلى اۋداندارىندا ەكپىنى 18-23 م/س.
ال تۇركىستان وبلىسىندا، تاۋلى ايماقتاردا نايزاعاي ويناپ، بۇرقاسىن بولادى. تاۋلاردا وڭتۇستىك-باتىستان سوعاتىن جەلدىڭ ەكپىنى 15-20 م/س. وڭتۇستىكتە، وبلىستىڭ شولەيت ايماقتارىندا اسا جوعارى ءورت قاۋپى ساقتالادى.
