Jeksenbi, 21 shilde kúnine Qazaqstannyń barlyq aýmaǵynda daýyldy eskertý jarııalandy, dep habarlaıdy “Adyrna” ulttyq portaly «Qazgıdromet» RMK-ǵa siltep.
«Astanada 21 shildede keı jerlerde naızaǵaı kútiledi. Kúndiz burshaq jaýýy múmkin. Aqmola oblysynda 21 shildede kúndiz shyǵysta qatty jańbyr jaýady. Oblystyń soltústiginde, shyǵysynda jáne ońtústiginde kún kúrkirep, burshaq jaýýy múmkin. Kúndiz oblystyń soltústiginde, shyǵysynda, ońtústiginde soltústik-batystan jel soǵady, ekpini 15-20 m/s. Kókshetaýda 21 shildede tańerteń jáne kúndiz naızaǵaı kútiledi», - delingen habarlamada.
Almatyda túnde keı jerlerde naızaǵaı oınaıdy. Ońtústik-batystan jel soǵady, kún kúrkireıdi, ekpini 15 m/s. Qonaevta ońtústik-batystan jel soǵady, ekpini 18 m/s jetedi.
Túnde taýly aımaqtarda qatty jańbyr kútiledi. Oblystyń soltústiginde, ońtústiginde, taýly aımaqtarynda naızaǵaı oınap, burshaq jaýýy múmkin. Ońtústik-batystan soǵatyn jel soltústikte, ońtústikte, oblystyń taýly aýdandarynda ekpini 18-23 m/s.
Al Túrkistan oblysynda, taýly aımaqtarda naızaǵaı oınap, burqasyn bolady. Taýlarda ońtústik-batystan soǵatyn jeldiń ekpini 15-20 m/s. Ońtústikte, oblystyń shóleıt aımaqtarynda asa joǵary órt qaýpi saqtalady.
