جۋرناليست دانيار ادىلبەكوۆتىڭ قىلمىستىق ءىسى استانا سوتىنا جىبەرىلدى، دەپ حابارلايدى “ادىرنا” ۇلتتىق پورتالى Press.kz-كە سىلتەپ.
«ءىس قارالۋ ءۇشىن استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنا جىبەرىلدى. بىراق ماعان اۋىستىرۋ تۋرالى رەسمي حابارلاما مەن ايىپتاۋ اكتىسى كەلگەن جوق. بۇل پروكۋرور تاراپىنان ورەسكەل زاڭبۇزۋشىلىق»، - دەيدى ءجۋرناليستىڭ ادۆوكاتى ءادىلجان ماۋىتقانوۆ.
باسىلىم ادىلبەكوۆكە ءۇش باپ بويىنشا ايىپ تاعىلعانىن اتاپ ءوتتى.
«سوڭعى مالىمەتتەرگە سايكەس، ونىڭ ۆيتسە-مينيستر ەرلان اقكەنجەنوۆكە قاتىستى جازعانى جالعان ايىپتاۋ دەپ باعالانىپ وتىر، ال جۋرناليست گۇلجان ەرعاليەۆانىڭ استانا اۋەجايىنا قاتىستى جاريالاعانى - ادەيى جالعان اقپارات تاراتۋ دەپ باعالاندى»، - دەلىنگەن حابارلامادا.
ەستەرىڭىزگە سالا كەتەيىك، بۇعان دەيىن جۋرناليست ميحايل كوزاچكوۆ ادىلبەكوۆتىڭ ۇستالعانى تۋرالى حابارلاعان بولاتىن، ونىڭ مالىمەتى بويىنشا، «اڭگىمە Telegram-داعى «ديكايا وردا» ءانونيمدى ارناسىندا ۆيتسە-مينيسترلەردىڭ ءبىرى تۋرالى جاريالانىمدار تۋرالى بولعان».
