بۇگىن، 16 شىلدە كۇنى الماتىدا جولاۋشىلار اۆتوبۋسىنىڭ قاتىسۋىمەن تاعى ءبىر جول اپاتى بولدى، دەپ حابارلايدى «ادىرنا» ءتىلشىسى.
قالالىق پوليتسيا دەپارتامەنتىنىڭ مالىمەتىنشە، قوعامدىق كولىك جەكە ءۇيدىڭ قورشاۋىنا بارىپ سوعىلعان.
«وقىس وقيعا بۇگىن ساعات 09:15-تە الماتىنىڭ ناۋرىزباي اۋدانىندا بولدى. اشىموۆ كوشەسىمەن سولتۇستىك باعىتتا كەلە جاتقان جۇك كولىگىنىڭ جۇرگىزۋشىسى شالياپين بويىنداعى ايالداماعا توقتاعان №137 مارشرۋتتىق اۆتوبۋسپەن سوقتىعىسقان. ناتيجەسىندە اۆتوبۋس ينەرتسيا ارقىلى شىعىس جولعا شىعىپ، جەكە ءۇيدىڭ قورشاۋىنا سوعىلدى. اپات سالدارىنان اۆتوبۋستىڭ توعىز جولاۋشىسى زارداپ شەكتى»، - دەدى قالالىق پد.
قازىرگى تاڭدا جول-كولىك وقيعاسىنىڭ باسقا دا ءمان-جايلارى انىقتالىپ جاتىر.
ەسكە سالايىق، 26 ماۋسىمدا الماتى وبلىسىندا جولاۋشىلار اۆتوبۋسى جول اپاتىنا تۇسكەنىن جازعان ەدىك.
View this post on Instagram
<
