الماتى وبلىسىندا اۋدارىلعان اۆتوبۋستىڭ جۇرگىزۋشىسى قاماۋعا الىندى. بۇل تۋرالى الماتى وبلىستىق پوليتسيا دەپارتامەنتى مالىمدەدى، دەپ حابارلايدى “ادىرنا” ۇلتتىق پورتالى.
مالىمەت بويىنشا، 27 مامىر كۇنى Yutong اۆتوبۋسىنىڭ جۇرگىزۋشىسى كەگەن-جالاڭاش-كولساي اۆتوجولىنىڭ بەسىنشى شاقىرىمىندا كەلە جاتىپ، ءرۋلدى باسقارا الماي، اۆتوبۋستىڭ اۋدارىلۋىنا جول بەردى. 25 جولاۋشىعا مەديتسينالىق كومەك كورسەتىلدى.
"جۇرگىزۋشى كۋالىگىنەن ايىرىلعان كولىك قۇرالىن باسقارعانى ءۇشىن اۆتوبۋس جۇرگىزۋشىسى قاماۋعا الىندى. سونىمەن بىرگە، اۆتوبۋستى ايداۋعا بەرگەن جولاۋشىلاردى تاسىمالداۋدى جۇزەگە اسىراتىن ۇيىمنىڭ يەسىنە ءىرى مولشەردە ايىپپۇل سالىنادى",- دەپ حابارلادى پوليتسيا دەپارتامەنتى.
ەسكە سالايىق، بۇعان دەيىن الماتى وبلىسىندا تۋريستەر مىنگەن اۆتوبۋس جول اپاتىنا ۇشىراعانى تۋرالى جازعان ەدىك.
