قسزي-دىڭ ازيالىق زەرتتەۋلەر ءبولىمىنىڭ باس ساراپشىسى الىشەر تاستەنوۆ شانحاي ىنتىماقتاستىق ۇيىمى اياسى جانە بۇل باعىتتاعى سەرىكتەستىكتىڭ ماڭىزدىلىعى جايىندا ءوز پىكىرىمەن ءبولىستى، دەپ حابارلايدى “ادىرنا” ۇلتتىق پورتالى.
“ەنەرگەتيكا سالاسىنداعى بايلانىستى نىعايتۋ ماسەلەسى استانادا وتكەن شىۇ-عا مۇشە مەملەكەتتەردىڭ سايكەس مينيسترلەرىنىڭ ءتورتىنشى كەڭەسى كەزىندە تالقىلاندى. ناتيجەسىندە ەنەرگەتيكالىق ىنتىماقتاستىقتى دامىتۋدىڭ 2030 جىلعا دەيىنگى ستراتەگياسىنىڭ جوباسىن ماقۇلدادى.
بىرىنشىدەن، بۇل ءار ءتۇرلى ەلدەردىڭ ەلەكتر جەلىلەرىن ينتەگراتسيالاۋ ارقىلى بارلىق قاتىسۋشىلاردىڭ مۇددەلەرىنە جاۋاپ بەرەتىن تۇراقتى جانە سەنىمدى ەنەرگەتيكالىق جۇيەنى قۇرۋ. ول ءۇشىن ۇيىمنىڭ بارلىق قاتىسۋشىلارىنا ەنەرگيانىڭ تۇراقتى جانە سەنىمدى جەتكىزىلۋىن قامتاماسىز ەتۋ، سونداي-اق ەلەكتر ەنەرگياسىن ءوندىرۋ، جاڭارتىلاتىن ەنەرگيا كوزدەرى سالاسىنداعى اۋقىمدى ينۆەستيتسيالىق جوبالاردى سالۋ ماسەلەلەرى پىسىقتالۋدا.
سونىمەن قاتار شىۇ ەلدەرىنىڭ ىنتىماقتاستىعى ەنەرگەتيكالىق رەسۋرستاردى دامىتۋعا جانە وندىرۋگە، ونىڭ ىشىندە كومىرسۋتەك شيكىزاتىن وندىرۋگە ينۆەستيتسيالار تارتۋعا باعىتتالعان. تاعى ءبىر باسىمدىق عىلىمي-تەحنيكالىق باستامالار، يننوۆاتسيالىق تەحنولوگيالاردى قولدانۋ جانە كادرلاردى دايارلاۋ سالاسىنداعى بەلسەندى ءوزارا ءىس-قيمىل.
ايتا كەتۋ كەرەك، شىۇ ەنەرگيا رەسۋرستارىنىڭ ءىرى وندىرۋشىلەرىن، جەتكىزۋشىلەرىن جانە تۇتىنۋشىلارىن بىرىكتىرەدى. سوندىقتان ەنەرگەتيكالىق ىنتىماقتاستىقتى دامىتۋ ستراتەگياسىن قىسقا مەرزىمدى پەرسپەكتيۆادا ەنەرگەتيكالىق قاۋىپسىزدىكتى نىعايتۋ ماقساتىندا بارلىق مۇددەلى تاراپتار قاراستىرىپ، ماقۇلدادى. ول شىۇ ەلدەرىنىڭ ەنەرگەتيكا سالاسىن دامىتۋدىڭ وزىق باعىتتارىن اۋقىمدى تۇردە قامتيدى”، دەدى ول،
