قازگيدرومەت 1 شىلدە، دۇيسەنبى كۇنگە ارنالعان بولجامدى جاريالادى. سينوپتيكتەردىڭ بولجاۋىنشا، بۇل كۇنى قازاقستاننىڭ باسىم بولىگىندە جاڭبىر جاۋادى، - دەپ حابارلايدى “ادىرنا” ۇلتتىق پورتالى.
بولجامعا سايكەس، تسيكلون جانە ونىمەن بايلانىستى اتموسفەرالىق فرونتالدى ۋچاسكەلەر ەلىمىزدىڭ باسىم بولىگىندە تۇراقسىز اۋا رايى رەجيمىن ساقتايتىنى ايتىلدى.
«قازاقستاننىڭ سولتۇستىك-باتىسىندا جانە سولتۇستىگىندە جاڭبىر جاۋادى، كۇن كۇركىرەيدى، بۇرشاق جاۋى مۇمكىن، تەك باتىستا جاۋىن-شاشىنسىز اۋا رايى بولجامى كۇتىلەدى»، - دەلىنگەن حابارلامادا.
رەسپۋبليكا بويىنشا جەل كۇشەيەدى، تۇندە جانە تاڭەرتەڭ وڭتۇستىكتە شاڭدى داۋىل، سولتۇستىك-باتىستا تۇمان كۇتىلەدى.
قاراعاندى، پاۆلودار، اباي، جەتىسۋ وبلىستارىندا، ۇلىتاۋ وبلىسىنىڭ سولتۇستىگىندە، اقمولانىڭ باتىسىندا، وڭتۇستىگىندە، شىعىسىندا، شىعىس قازاقستان وبلىستارىنىڭ باتىسىندا، سولتۇستىگىندە جوعارى ءورت قاۋپى ساقتالادى.
تۇركىستان، جامبىل، قىزىلوردا، الماتى وبلىستارىندا، ۇلىتاۋ وبلىسىندا، قوستاناي، شىعىس قازاقستان وبلىستارىنىڭ وڭتۇستىگىندە جانە اباي وبلىسىندا، جەتىسۋ وبلىسىنىڭ سولتۇستىگىندە، شىعىسىندا، اتىراۋ وبلىسىنىڭ باتىسىندا، وڭتۇستىك-شىعىسىندا وتە جوعارى ءورت قاۋپى ساقتالادى.
