كەشە، 29 ماۋسىم كۇنى الماتىدا گەرمانيادا قايتىس بولعان ەكس-سۋديا ايگۇل سايلىباەۆانى جەرلەۋ ءراسىمى ءوتتى، دەپ حابارلايدى “ادىرنا” ۇلتتىق پورتالى قازاقپارات-قا سىلتەپ.
ەستەرىڭىزدە بولسا، گەرمانيادا ەكس-سۋديا ايگۇل سايلىباەۆانىڭ ءمايىتى زورلىق-زومبىلىق ىزدەرىمەن تابىلعان بولاتىن.
بۇعان دەيىن 40 جاستاعى سايلىباەۆا استانانىڭ سارىارقا اۋدانىندا سۋديا بولىپ قىزمەت اتقارىپ، كەيىن گەرمانيانىڭ باتىسىنداعى بەنسحايم قالاسىندا كۇيەۋى، قىزى جانە ەنەسىمەن بىرگە تۇرعان.
اعاسى جانات سايلىباەۆتىڭ ايتۋىنشا، مارقۇم 4 ماۋسىم كۇنى تاڭەرتەڭ قىزىن بالاباقشاعا اپارعان. سودان كەيىن ونى ەشكىم كورمەگەن. كەيىن ونىڭ دەنەسى قالا شەتىندەگى ەرلاچە كارەرىنەن تابىلدى.
نەمىستىڭ BILD باسىلىمىنىڭ حابارلاۋىنشا، ءمايىت پوليەتيلەندى پاكەتتە بولعان، ال ايەل ءولىم الدىندا زورلىق-زومبىلىققا ۇشىراعان. تەرگەۋگە گەسسەن فەدەرالدى شتاتىنان 35 تەرگەۋشى قاتىسۋدا.
وتانداسىمىزدىڭ شەتەلدە جوعالىپ كەتكەنى تۋرالى اعاسى قانات سايلىباەۆ حابارلاعان ەدى. ول قارىنداسىنىڭ بۇرىن تۇرمىستىق زورلىق-زومبىلىققا قاتىستى شاعىمدانعانىن جەتكىزدى.
