تۇركىستان وبلىسىندا تەرروريزمدى ناسيحاتتادى دەگەن كۇدىكپەن ءتورت ادام ۇستالدى، دەپ حابارلايدى “ادىرنا” ۇلتتىق پورتالى ۇلتتىق قاۋىپسىزدىك كوميتەتىنىڭ (ۇقك) ءباسپاسوز قىزمەتىنە سىلتەپ.
«26 ماۋسىمدا تۇركىستان وبلىسىندا ۇلتتىق قاۋىپسىزدىك كوميتەتى پروكۋراتۋراسىمەن كەلىسە وتىرىپ جانە ىشكى ىستەر مينيسترلىگىمەن بىرلەسىپ تەرروريزمدى ناسيحاتتادى دەگەن كۇدىكپەن قازاقستاننىڭ ءتورت ازاماتىن ۇستادى. الدىن الا مالىمەت بويىنشا، سوتتالۋشىلاردىڭ ءبىرى شەتەلدە ۇزاق ۋاقىت تۇرىپ، سول جاقتا راديكالدى ءدىني يدەولوگياعا قاتىسى بار بولۋى مۇمكىن. ءتىنتۋ كەزىندە ءدىني ادەبيەتتەر مەن باسقا دا زاتتاي ايعاقتار الىندى»، - دەلىنگەن بەيسەنبى كۇنى تاراتقان حابارلامادا.
قر قىلمىستىق كودەكسىنىڭ 256-بابىنىڭ 1 جانە 2-بولىگى (تەرروريزمدى ناسيحاتتاۋ نەمەسە تەرروريزم اكتىسىن جاساۋعا جاريا شاقىرۋ) بويىنشا قىلمىستىق ءىس قوزعالدى.
