بۇگىن، 26 ماۋسىم استانادا قۋاندىق بيشىمباەۆ پەن باقىتجان بايجانوۆقا قاتىستى قىلمىستىق ءىس بويىنشا اپەللياتسيالىق سوت وتىرىسى ءوتتى، دەپ حابارلايدى “ادىرنا” ۇلتتىق پورتالى.
«ماعان دالەلدەر كەلتىرۋگە مۇمكىندىك بەرىلمەدى. مەن بۇل تۋرالى سوت بارىسىندا بىرنەشە رەت ايتتىم، بىراق ولار بىزگە ەشقانداي اقپارات بەرمەدى. راس، مەنىڭ تۇسىنىگىمشە، شىندىش ەشكىمگە كەرەك ەمەس، شەشىم الدىن الا قابىلدانعان، سوندىقتان ءبارى بۇرىننان ايتىلعان. مەن ادۆوكاتتاردىڭ ۇستانىمىن قولدايتىنىمدى عانا ايتا الامىن»، - دەدى بيشىمباەۆ سارسەنبى كۇنى سويلەگەن سوزىندە.
سوت وتىرىسى ساعات 10.00-دە باستالىپ، ۇزىلىستەن كەيىن 14.30-دا جالعاستى. العاشقى بولىپ ءسوز العان بيشىمباەۆتىڭ ادۆوكاتتارى – ەرلان عازىمجانوۆ، ءلايلا رامازانوۆا، نازكەن قۇسايىنوۆانىڭ ءسوزى ايتىلدى. جابىرلەنۋشىلەر اتىنان مارقۇمنىڭ اعاسى ايتبەك امانگەلدى، ادۆوكات جاننا ۋرازباحوۆا، يگور ۆرانچەۆ جانە ءاليا وماروۆا قاتىسۋدا.
ەسكە سالايىق، سالتانات نۇكەنوۆا 2023 جىلدىڭ قاراشاسىندا ايۋاندىقپەن ولتىرىلگەن بولاتىن. سوت نۇكەنوۆانىڭ ولىمىنە كۇيەۋى، بۇرىنعى ۇلتتىق ەكونوميكا ءمينيسترى قۋاندىق بيشىمباەۆتى كىنالى دەپ تاۋىپ، 24 جىلعا باس بوستاندىعىنان ايىردى. گاسترو ورتالىعىنىڭ ديرەكتورى، ەكس-شەنەۋنىكتىڭ تۋىسى باقىتجان بايجانوۆتى سوت قر قىلمىستىق كودەكسىنىڭ 432-بابى (قىلمىستى جاسىرۋ) بويىنشا كىنالى دەپ تاۋىپ، ءتورت جىلعا باس بوستاندىعىنان ايىردى.
ەندى بيشىمباەۆتىڭ ادۆوكاتتارى ازاپتاۋ بويىنشا سوت ۇكىمىن جويىپ، جازانى جەڭىلدەتپەك. ادۆوكاتتار سوتقا دەيىنگى تەرگەپ-تەكسەرۋ مەن سوت پروتسەسىندە بىرقاتار زاڭ بۇزۋشىلىقتاردى اتاپ ءوتتى.
