Búgin, 26 maýsym Astanada Qýandyq Bıshimbaev pen Baqytjan Baıjanovqa qatysty qylmystyq is boıynsha apellıaııalyq sot otyrysy ótti, dep habarlaıdy “Adyrna” ulttyq portaly.
«Maǵan dálelder keltirýge múmkindik berilmedi. Men bul týraly sot barysynda birneshe ret aıttym, biraq olar bizge eshqandaı aqparat bermedi. Ras, meniń túsinigimshe, shyndysh eshkimge kerek emes, sheshim aldyn ala qabyldanǵan, sondyqtan bári burynnan aıtylǵan. Men advokattardyń ustanymyn qoldaıtynymdy ǵana aıta alamyn», - dedi Bıshimbaev sársenbi kúni sóılegen sózinde.
Sot otyrysy saǵat 10.00-de bastalyp, úzilisten keıin 14.30-da jalǵasty. Alǵashqy bolyp sóz alǵan Bıshimbaevtyń advokattary – Erlan Ǵazymjanov, Láılá Ramazanova, Nazken Qusaıynovanyń sózi aıtyldy. Jábirlenýshiler atynan marqumnyń aǵasy Aıtbek Amangeldi, advokat Janna Ýrazbahova, Igor Vranchev jáne Álııa Omarova qatysýda.
Eske salaıyq, Saltanat Núkenova 2023 jyldyń qarashasynda aıýandyqpen óltirilgen bolatyn. Sot Núkenovanyń ólimine kúıeýi, burynǵy Ulttyq ekonomıka mınıstri Qýandyq Bıshimbaevty kináli dep taýyp, 24 jylǵa bas bostandyǵynan aıyrdy. Gastro ortalyǵynyń dırektory, eks-sheneýniktiń týysy Baqytjan Baıjanovty sot QR Qylmystyq kodeksiniń 432-baby (qylmysty jasyrý) boıynsha kináli dep taýyp, tórt jylǵa bas bostandyǵynan aıyrdy.
Endi Bıshimbaevtyń advokattary azaptaý boıynsha sot úkimin joıyp, jazany jeńildetpek. Advokattar sotqa deıingi tergep-tekserý men sot proesinde birqatar zań buzýshylyqtardy atap ótti.
