بيشىمباەۆ جازاسىن قاي تۇرمەدە وتەيتىنى ءالى بەلگىسىز. بۇل تۋرالى ىشكى ىستەر ءمينيسترىنىڭ ءبىرىنشى ورىنباسارى مارات قوجاەۆ مالىمدەدى، دەپ حابارلايدى “ادىرنا” ۇلتتىق پورتالى.
ايتۋىنشا، بيشىمباەۆ وزىنە قاتىستى سوت ۇكىمىنە شاعىمدانىپ جاتىر.
“ول ءوزىنىڭ سوت ۇكىمىنە شاعىمدانىپ جاتىر. سول سەبەپتى ءالى دە تەرگەۋ يزولياتورىندا وتىر”، دەدى مارات قوجاەۆ.
جۋرناليستەر ەكس-مينيستر قاي تۇرمەگە جىبەرىلۋى مۇمكىن دەپ ناقتىلادى.
"سوڭعى سۋ تاسقىنى جاعدايلارىنا بايلانىستى وسى ساناتقا كىرەتىن ازاماتتار ءتۇرلى وڭىرلەرگە كوشىرىلگەن بولاتىن. سول سەبەپتەن بيشىمباەۆ وسى كولونياعا بارادى دەپ ايتا المايمىن", - دەدى ىشكى ىستەر ءمينيسترىنىڭ ءبىرىنشى ورىنباسارى.
ايتا كەتەيىك، ايەلى سالتانات نۇكەنوۆانى ءولتىردى دەپ ايىپتالعان ەكس-مينيستر قۋاندىق بيشىمباەۆ 24 جىلعا سوتتالعان بولاتىن.
