بۇگىن - ماعجان جۇماباەۆتىڭ تۋعان كۇنى، دەپ حابارلايدى “ادىرنا” ۇلتتىق پورتالى.
ماعجان جۇماباەۆ 1893 جىلى 25 ماۋسىمدا سولتۇستىك قازاقستان وبلىسىندا ومىرگە كەلگەن.
الاش قوزعالىسىنىڭ قايراتكەرى، اقىن، قازاق ادەبيەتىنىڭ جارىق جۇلدىزى ماعجان 1909 جىلى شىققان اباي ولەڭدەرىن وقىپ، “اتاقتى اقىن، ءسوزى التىن حاكىم ابايعا” دەگەن ولەڭ جازدى.
ابىلماعجان جۇماباەۆ 1910 – 1913 جىلدارى ۋفا قالاسىنداعى “عاليا” مەدرەسەسىندە ءبىلىم الىپ، كورنەكتى جازۋشى بەيىمبەت مايلينمەن تانىسادى.
ماعجان جۇماباەۆتىڭ اقىن رەتىندە 1912 جىلى تانىلا باستاعان. سول جىلى قازان قالاسىنداعى كارىموۆتەر باسپاسىندا جۇماباەۆتىڭ “شولپان” اتتى تۇڭعىش ولەڭدەر جيناعى باسىلىپ شىعادى. “ساداق” جۋرنالىن شىعارۋعا قاتىسادى، وعان ءوزىنىڭ ولەڭدەرىن جاريالايدى.
1913 – 1916 جىلدارى ومبى مۇعالىمدەر سەمينارياسىندا وقىپ، “بىرلىك” ۇيىمى جۇمىسىنا بەلسەنە ارالاسىپ، “بالاپان” قولجازبا جۋرنالىن شىعارۋعا قاتىسادى.
اراعا ءبىراز جىل سالىپ ءاليحان بوكەيحان، احمەت بايتۇرسىنۇلى، مىرجاقىن دۋلاتۇلى سەكىلدى الاش قايراتكەرلەرىمەن بايلانىس ورناتىپ، “قازاق” گازەتىنە ءوز ولەڭدەرىن جاريالايدى.
1917 جىلى اقپان توڭكەرىسىنەن كەيىن قالىپتاسقان ساياسي جاعدايعا ساي قوعامدىق ومىرگە بەلسەنە ارالاسقان.
ماعجان جۇماباەۆ “الاش” پارتياسىنىڭ اقمولا وبلىسىنىڭ كوميتەتىنىڭ مۇشەسى بولدى. مۇشەلىك ەتكەن ۋاقىتىندا ء“ۇش ءجۇز” پارتياسى وكىلدەرىنىڭ جالعان ايىپتاۋىمەن ءبىر ايعا جۋىق اباقتىعا وتىرىپ شىقتى. ەكىنشى جالپىقازاق سەزىنە دەلەگات رەتىندە قاتىسىپ، وندا وقۋ ماسەلەسى بويىنشا قۇرىلعان كوميسسياعا توراعالىق ەتتى.
“مەن جاستارعا سەنەمىن!” دەپ ۇرانداتقان ماعجان 1918 – 1919 جىلدارى پەتروپاۆل ۋەزدىك پوەماسى “باتىر باياندى” جازىپ، جارىققا شىعارادى.
ول 1938 جىلى قايتادان قاماۋعا الىنىپ، اتۋ جازاسىنا كەسىلدى.
