بۇگىن - كەنەن ازىرباەۆتىڭ تۋعانىنا 140 جىل تولدى، دەپ حابارلايدى "ادىرنا" ۇلتتىق پورتالى.
كەنەن ازىرباەۆ 1884 جىلدىڭ 4 مامىرىندا جەتىسۋ وبلىسىنىڭ ماتىبۇلاق اۋىلىندا ومىرگە كەلگەن. ونىڭ اتا-اناسى دا ونەرلى بولعان. كەنەن ازىرباەۆ 11 جاسىندا العاش رەت ولەڭ جازعان. العاشقى تۋىندىسىنىڭ تاقىرىبى تابيعات، جان-جانۋار، قۇستار تۋرالى بولعان.
وتىرىستا اقىن كەنەن ازىرباەۆ «بوزتورعاي» ءانىن ايتىپ، اۋىر تۇرمىس پەن ەركىندىكتى جىرلاعان. جاس بالانىڭ ونەرىنە تاڭداي قاققاندار قورلانعان قازاقتىڭ ءانۇرانىنا اينالدىرعان.
16 جاسىندا كەنەن ازىرباەۆ كوكشولاق اتتى ساتىپ الىپ، ارتىنشا«كوكشولاق» دەگەن ولەڭىن شىعارادى.
كەنەن ازىرباەۆ تالاي سۇراپىلدى كورگەن. ءوز عۇمىرىندا ول تۇركىستانداعى 1916 جىلعى كوتەرىلىستى باستان كەشىرگەن، بولشەۆيكتەر قاتارىندا پاتشالىق ۇكىمەتكە قارسى كۇرەسكەن، اشتىق جىلدارى قىرعىزستاندا جان ساقتاعان. ال قايتا قۇرۋ جىلدارى وراز جاندوسوۆپەن، ساكەن سەيفۋللينمەن جانە تۇرار رىسقۇلوۆپەن تىعىز قارىم-قاتىناستا بولعان.
1923 جىلى ازىرباەۆ ءۇشىن وتە اۋىر جىلداردىڭ ءبىرى بولعان. وسى جىلى بازار مەن نازار دەگەن ەكى ۇلى ءبىر كۇندە شەشەك اۋرۋىنان كوز جۇمدى. قاتتى قايعىرعان اقىن اتاقتى «اق ەشكىنىڭ زارى» دەگەن جوقتاۋ ولەڭىن شىعارادى، كەيىن ول بازار-نازار اتالىپ كەتەدى.
التىنبەك قورازباەۆ "جايلاۋىنداي دالانىڭ، شاپانىڭدى ساعىندىم" دەپ اندەتكەن. اتاقتى قولباسشى باۋىرجان مومىشۇلى كەنەن اتانى «ءان مەن جىردىڭ گەنەرالى» دەپ اتاعان.
كەنەن ازىرباەۆ 92 جاسىندا 1976 جىلعى 12 ساۋىردە ومىردەن وتەدى. ءوزىنىڭ ۇزاق عۇمىرىندا ول قازاق ءان ونەرىنىڭ التىن قورىنان لايىقتى ورنىن العان مول مۇرا قالدىردى.
