تيمۋر قۇلىباەۆتىڭ اكەسى اسقار قۇلىباەۆ مۇناي تەرمينالىن مەملەكەت مەنشىگىنە قايتاردى. ونىڭ قۇنى - 66 ملن دوللار، دەپ حابارلايدى "ادىرنا" ۇلتتىق پورتالى.
بۇل تۋرالى باس پروكۋراتۋرا مالىمدەدى.
مەملەكەت مەنشىگىنە قايتارىلعان تەرمينال اقتاۋ حالىقارالىق تەڭىز ساۋدا پورتىنىڭ اكۆاتورياسىندا ورنالاسقان. ونىڭ جالپى اۋماعى 134 گەكتاردى قۇرايدى. تەرمينال ەكس-پرەزيدەنتتىڭ قۇداسىنا 2011 جىلى وتكەن بولاتىن.
«2024 جىلدىڭ 26 اقپانىندا ماڭعىستاۋ وبلىسى مامانداندىرىلعان اۋدانارالىق ەكونوميكالىق سوتىنىڭ شەشىمىمەن الماتى قالاسى پروكۋرورىنىڭ تالاپ-ارىزى قاناعاتتاندىرىلدى، مۇناي تەرمينالى مەملەكەت مەنشىگىنە قايتارىلدى، سوت اكتىسى زاڭدى كۇشىنە ەندى»، – دەلىنگەن پروكۋراتۋرا حابارلاماسىندا.
ايتا كەتەيىك، تيمۋر مەن دينارا قۇلىباەۆتار الەمدەگى داۋلەتتىلەر تىزىمىندە 612-ورىندا تۇرعانى انىقتالعان.
