بيۋرو مالىمەتىنشە، وتكەن جىلدىڭ قورىتىندىسى بويىنشا قازاقستاندا ورتاشا جالاقى كولەمى 364 295 تەڭگەنى قۇراعان. 2023 جىلعى كورسەتكىش الدىڭعى جىلمەن سالىستىرعاندا 17,6%-عا ارتىق ەكەنى انىقتالىپ وتىر.
ايتا كەتەيىك، 2024 جىلعى 1 قاڭتاردان باستاپ ەڭ تومەنگى جالاقى 85 000 تەڭگە مولشەرىندە بەلگىلەنگەن بولاتىن.
ال 2023 جىلى وڭىرلىك بولىنىستە ەڭ جوعارعى ورتاشا ايلىق جالاقى - اتىراۋ وبلىسىندا. بۇل ايماقتا ازاماتتاردىڭ ەڭ جوعارعى جالاقىسى - 607 635 تەڭگە. جالاقىسى جوعارى وڭىرلەر قاتارىندا ەكىنشى ورىنعا ماڭعىستاۋ وبلىسى جايعاسقان. مۇندا ايلىق مولشەرى – 535 156 تەڭگە. ال ۇلىتاۋ وبلىسىندا جوعارعى جالاقى 483 812 تەڭگەنى قۇراپ، قازاقستان بويىنشا ۇشتىككە ەنگەن.
ەڭ تومەنگى جالاقى الاتىن وڭىرلەر قاتارىندا 4 وبلىس بار. بيۋرو دەرەگىندە، سولتۇستىك قازاقستان وبلىسىندا حالىقتىڭ ەڭ تومەنگى جالاقىسى - 262 248 تەڭگە دەپ كورسەتىلگەن. جامبىل وبلىسىندا – 269 125 تەڭگە، جەتىسۋ وبلىسىندا – 269 378 تەڭگە، تۇركىستان وبلىسىندا – 270 660 تەڭگە قۇراپ تۇر.
"سالالىق قۇرىلىمدا ەڭ جوعارى اتاۋلى جالاقى تاۋ-كەن ءوندىرۋ ونەركاسىبىندە جانە كارەرلەردى قازۋدا –ورتاشا رەسپۋبليكالىق دەڭگەيدەن 2,1 ەسە جوعارى، قارجى جانە ساقتاندىرۋ قىزمەتىندە – 1,9 ەسە، اقپارات جانە بايلانىس سالاسىندا – تيىسىنشە 1,6 ەسە", دەلىنگەن ۇلتتىق بيۋرو ەسەبىندە.
