الماتىدا بۇزاقى ايگىلى سپورتشى دەنيس تەننىڭ ەسكەرتكىشىن ءبۇلدىرىپ، قابىرعاسىنا جازبا قالدىرعان. وندا ول ءوزىنىڭ اتى-ءجونى مەن تەلەفون ءنومىرىن دە ويىپ جازعان. پوليتسيا كۇدىكتىنى ۇستادى، دەپ حابارلايدى “ادىرنا” ۇلتتىق پورتالى.
الەۋمەتتىك جەلىدە دەنيس تەننىڭ بۇلىنگەن ەسكەرتكىشى بەينەلەنگەن ۆيدەو پايدا بولعان ەدى. بەينەجازبادان مەموريالدىڭ بەتكى قاباتى قارا جازۋمەن شيمايلانىپ، بەيادەپ سوزدەر جازىلعانىن كورۋگە بولادى.
الماتى قالاسىنىڭ پوليتسيا دەپارتامەنتى اتالعان جايتقا قاتىستى قىلمىستىق كودەكستىڭ 1-بولىگى، 294-بابى بويىنشا سوتقا دەيىنگى تەرگەۋ جۇمىستارىن باستادى.
پوليتسەيلەردىڭ ايتۋىنشا، ەسكەرتكىشتى ويرانداعان ادام پسيحونەۆرولوگيالىق ەسەپتە تۇرادى.
قىلمىستىق ءىس اياسىندا ساراپتامالار تاعايىندالدى، ولاردىڭ ناتيجەلەرى بويىنشا پروتسەستىك شەشىم قابىلداناتىن بولادى. ۇستالعان ادام پسيحيكالىق دەنساۋلىق ورتالىعىنا ورنالاستىرىلدى، - دەپ حابارلادى قۇقىق قورعاۋ ورگاندارى.
ۇقساس جاڭالىقتار
