«جەتىسۋ» فۋتبول كلۋبىنىڭ ديرەكتورى قالمۇحامەت دوڭسەباەۆ ۇستالدى، دەپ حابارلايدى “ادىرنا” ۇلتتىق پورتالى.
«جەتىسۋ وبلىسى بويىنشا مامانداندىرىلعان اۋدانارالىق تەرگەۋ سوتىنىڭ حابارلاۋىنشا، سوت شەشىمىمەن د-نى 2 اي مەرزىمگە قاماۋدا ۇستاۋ بۇلتارتپاس شاراسى سانكتسيالانعان. سوت ۇكىمى زاڭدى كۇشىنە ەنگەن جوق»، — دەپ 2 ماۋسىم كۇنى تۇسىنىكتەمە بەردى جەتىسۋ وبلىستىق سوتىنىڭ ءباسپاسوز قىزمەتى.
تالدىقورعان فۋتبول كومانداسى جەتەكشىسىنىڭ ۇستالۋ سەبەبى ايتىلمادى.
بۇعان دەيىن بىرقاتار باق «جەتىسۋ» فۋتبول كلۋبىنىڭ ديرەكتورى مەن وسى اتتاس اۋە كومپانياسىنىڭ باسشىسى قالمۇحامەت دوڭسەباەۆتىڭ ۇستالعانى تۋرالى اقپارات تاراتقان بولاتىن.
الەۋمەتتىك جەلىدە تاراعان كەيبىر بەيرەسمي مالىمەتتەردە قالمۇحامەت دوڭسەباەۆتى انتيكور ۇستاعانى جانە ول اسا ءىرى كولەمدە قارجى جىمقىردى دەپ كۇدىككە ىلىنگەنى ايتىلادى.
