ۇيلەنۋ تويلارىنىڭ بىرىندە كەلىننىڭ بەتىن اشقان ۇلكەن ەنەسى مەن جاس ەنەسى وعان شوكولاد بەرىپ، ءبىر جاعىن وزدەرى تىستەگەن. بۇل تۋرالى الەۋمەتتىك جەلىدە ۆيدەو تارالىپ، حالىقتىڭ اشۋىنا ءتيدى، دەپ حابارلايدى “ادىرنا” ۇلتتىق پورتالى.
ۆيدەودا كەلىننىڭ بەتىن اشقان ۇلكەن كىسى شوكولادتتىڭ جارتىسىن ءوز اۋزىنا سالىپ، جارتىسىن كەلىنگە تىستەتەدى. كەيىن بۇل ءداستۇرلى كەلىننىڭ جاس ەنەسى دە قايتالايدى.
جەلى قولدانۋشىلارىنىڭ ءبىرى «بۇل ءداستۇر كەلىن مەن ەنەنىڭ اۋىزبىرشىلىگى مىقتى بولسىن» دەگەن ىرىم ەكەنىن ايتسا، ەندى ءبىرى بۇل قازاقتا مۇلدە بولماعان سالت ەكەنىن جازىپ، توي يەلەرىن قاتتى سىناعان. جەلى قولدانۋشىلارى “بۇل قاي جاقتىڭ سالتى” دەپ تاڭىرقاۋدا.
