قارجى ۆيتسە-ءمينيسترى داۋرەن كەڭبەيىل ءانشى ساكەن مايعازيەۆتىڭ ۇلىنىڭ ۇيلەنۋ تويىن تىكەلەي ەفيردە كورۋ ءۇشىن حالىقتان اقى الۋىنا قاتىستى پىكىر ءبىلدىردى، دەپ حابارلايدى "ادىرنا" ۇلتتىق پورتالى.
ۆيتسە-ءمينيستردىڭ ايتۋىنشا، ەگەر شوۋ-بيزنەس وكىلدەرى وسىنداي فورماتتا تابىس تاپسا، ولار جەكە كاسىپكەر رەتىندە تىركەلىپ، ءتيىستى سالىق تولەۋى ءتيىس.
"جەكە كاسىپكەر رەتىندە تىركەلىپ، سالىق تولەۋى كەرەك. شوۋ-بيزنەس وكىلدەرى
وسىلاي تابىس تاپسا، مىندەتتى تۇردە سالىق تولەۋگە ءتيىس. باستىسى – مەملەكەتكە سالىق تۇسسە بولدى. مۇنداي ارەكەتتەر باقىلاۋدا بولادى", – دەدى داۋرەن كەڭبەيىل.
بۇعان دەيىن مەملەكەتتىك كىرىستەر كوميتەتى دە انشىگە ەسكەرتۋ جاساپ، ونلاين تۇردە اقشا جيناۋ زاڭدى كاسىپكەرلىك قىزمەتكە جاتاتىندىقتان، سالىق مىندەتتەمەلەرى ورىندالۋى كەرەكتىگىن ەسكە سالعان.