جامبىل وبلىسىندا ادام ولىمىنە اكەپ سوقتىرعان جول كولىك وقيعاسى ورىن الدى. وقيعا سالدارىنان ءۇش ادام زارداپ شەكتى، كولىك جۇرگىزۋشىسى وقيعا ورنىندا كوز جۇمدى، - دەپ حابارلايدى “ادىرنا” ۇلتتىق پورتالى.
جامبىل وبلىسى ءىىد ءباسپاسوز قىزمەتىنىڭ حابارلاۋىنشا، 25 مامىردا جاڭاتالاپ كەنتىنەن اقتوعان اۋىلىنا قاراي بەت العان «تويوتا كامري» كولىگىنىڭ 21 جاستاعى جۇرگىزۋشىسى جول اپاتىنىڭ سالدارىنان ءرۋلدى باسقارا الماي، كولىك جول جيەگىنە اۋدارىلىپ كەتكەن.
«جۇرگىزۋشى وقيعا ورنىندا قايتىس بولدى، ونىڭ جولاۋشىلارى - 17 جانە 20 جاستاعى ازاماتتار مەن 11-سىنىپ تۇلەگى - ولاردىڭ جاعدايى تۇراقتى، باقىلاۋدا»، - دەلىنگەن حابارلامادا.
اتالعان فاكتى بويىنشا سوتقا دەيىنگى تەرگەۋ باستالىپ، قاجەتتى ساراپتامالار تاعايىندالدى.
