جامبىل وبلىسى بويىنشا ەسىرتكى قىلمىسىنا قارسى كۇرەس باسقارماسىنىڭ باسشىسى قازاقستاننىڭ وزگە ايماقتارىنا ماريحۋانا ساتىپ كەلگەنى انىقتالدى، دەپ حابارلايدى "ادىرنا" ۇلتتىق پورتالى.
بۇل اقپاراتتى جامبىل وبلىستىق سوتى حابارلادى.
جامبىل وبلىسىنىڭ قىجماس-دا لاۋازىمدى ادام ءوزىنىڭ قىزمەتتىك جاعدايىن پايدالانا وتىرىپ، اسا ءىرى مولشەردە ەسىرتكى زاتتارىن زاڭسىز ساتىپ الۋ، تاسىمالداۋ، ساقتاۋ، وتكىزۋ بويىنشا ايىپتالعان پوليتسيا قىزمەتكەرىنە قاتىستى قىلمىستىق ءىس قارالدى.
سوت ۇكىمىمەن ەسىرتكىمەن كۇرەسۋى ءتيىس پوليتسيا مايورى ەسىرتكىنى زاڭسىز ساقتاعانى جانە ساتقانى ءۇشىن 11 جىلعا باس بوستاندىعىنان ايىرىلدى.
“ەسىرتكى ارنالارىن انىقتاۋ، اشۋ جانە جولىن كەسۋ بويىنشا جۇمىس كورسەتكىشتەرىن جاساندى ارتتىرۋ ماقساتىندا، ءۇشىنشى تۇلعالارعا باسقا ايماققا شش. ارقىلى وتكىزۋ جانە كەيىننەن ولاردى ۇستاۋ ماقساتىندا اسا ءىرى مولشەردە سالماعى 1080,03 گر «كەپتىرىلگەن ماريحۋانا» ەسىرتكى قۇرالىن زاڭسىز ساتىپ العان”، دەلىنگەن وبلىستىق سوتتىڭ اقپاراتىندا.
سوتتالۋشى م.-نىڭ كىناسى دالەلدەمەلەر مەن قىلمىستىق ءىس ماتەريالدارىنىڭ جيىنتىعىمەن راستالسا دا ول ءوز كىناسىن مويىنداماعان.
سوت ۇكىمىمەن سوتتالۋشى قىلمىستىق كودەكستىڭ 297-بابى 3-بولىگى 3) تارماعىمەن كىنالى دەپ تانىلىپ، وعان پوليتسيا «مايورى» ارناعى اتاعىنان ايىرا وتىرىپ، 11 جىل مەرزىمگە باس بوستاندىعىنان ايىرۋ جازاسى تاعايىندالدى.
