Jambyl oblysynda adam ólimine ákep soqtyrǵan jol kólik oqıǵasy oryn aldy. Oqıǵa saldarynan úsh adam zardap shekti, kólik júrgizýshisi oqıǵa ornynda kóz jumdy, - dep habarlaıdy “Adyrna” ulttyq portaly.
Jambyl oblysy IID baspasóz qyzmetiniń habarlaýynsha, 25 mamyrda Jańatalap kentinen Aqtoǵan aýylyna qaraı bet alǵan «Toıota Kamrı» kóliginiń 21 jastaǵy júrgizýshisi jol apatynyń saldarynan rýldi basqara almaı, kólik jol jıegine aýdarylyp ketken.
«Júrgizýshi oqıǵa ornynda qaıtys boldy, onyń jolaýshylary - 17 jáne 20 jastaǵy azamattar men 11-synyp túlegi - olardyń jaǵdaıy turaqty, baqylaýda», - delingen habarlamada.
Atalǵan fakti boıynsha sotqa deıingi tergeý bastalyp, qajetti saraptamalar taǵaıyndaldy.
