ماڭعىستاۋ وبلىستىق پوليتسيا دەپارتامەنتىنىڭ باستىعى قىزمەتىنەن بوساتىلدى، دەپ حابارلايدى "ادىرنا" ۇلتتىق پورتالى Orda.kz-كە سىلتەپ.
پد باسشىسى ايان دۇيسەمباەۆ پەن بۇكىل قاۋىپسىزدىك بلوگى ورنىنان كەتتى.
وبلىستىق پوليتسيا باستىعىنان كەيىن وبلىستىڭ باس پروكۋرورى رۋفات قۇتتىقوۆ پەن ۇقك باسشىسى مارات ءابدىلمانوۆ قىزمەتىنەن بوساتىلدى.
باسىلىمنىڭ مالىمەتىنشە، كادرلىق اۋىس-ءتۇيىس ماعزۇم مىرزاعاليەۆتىڭ «قازمۇنايگاز» باسشىسى قىزمەتىنەن كەتۋىنە قاتىستى بولىپ وتىر. سونىمەن قاتار ەلدىڭ باتىسىنداعى مۇناي ونەركاسىبىندەگى جاعدايمەن بايلانىستى.
Orda.kz حابارلاعانداي، ارنايى تەكسەرۋ بارىسىندا مۇناي سەرۆيسى مەن تاۋ-كەن ءوندىرۋشى كاسىپورىنداردىڭ باسشىلارى جۇمىسشىلاردى ەرەۋىلگە ءجيى يتەرمەلەيتىنى انىقتالعان. سونداي ءتاسىل ارقىلى قاجەتتى كەلىسىم-شارتتاردى جەڭىپ الادى. وسىعان بايلانىستى مىرزاعاليەۆ قانا ەمەس، ماڭعىستاۋ وبلىسى بويىنشا پوليتسيا دەپارتامەنتى، پروكۋراتۋرا جانە ۇلتتىق قاۋىپسىزدىك دەپارتامەنتىنىڭ باسشىلارى دا قىزمەتىنەن بوساتىلعان.
