Маңғыстау облыстық полиция департаментінің бастығы қызметінен босатылды, деп хабарлайды "Адырна" ұлттық порталы Orda.kz-ке сілтеп.
ПД басшысы Аян Дүйсембаев пен бүкіл қауіпсіздік блогы орнынан кетті.
Облыстық полиция бастығынан кейін облыстың бас прокуроры Руфат Құттықов пен ҰҚК басшысы Марат Әбділманов қызметінен босатылды.
Басылымның мәліметінше, кадрлық ауыс-түйіс Мағзұм Мырзағалиевтің «ҚазМұнайГаз» басшысы қызметінен кетуіне қатысты болып отыр. Сонымен қатар елдің батысындағы мұнай өнеркәсібіндегі жағдаймен байланысты.
Orda.kz хабарлағандай, арнайы тексеру барысында мұнай сервисі мен тау-кен өндіруші кәсіпорындардың басшылары жұмысшыларды ереуілге жиі итермелейтіні анықталған. Сондай тәсіл арқылы қажетті келісім-шарттарды жеңіп алады. Осыған байланысты Мырзағалиев қана емес, Маңғыстау облысы бойынша полиция департаменті, прокуратура және Ұлттық қауіпсіздік департаментінің басшылары да қызметінен босатылған.
Ұқсас жаңалықтар
