كىسى ولتىرگەن كۇدىكتى تۇركيادان ەكستراداتسيالاندى، دەپ حابارلايدى "ادىرنا" ۇلتتىق پورتالى باس پروكۋراتۋراعا سىلتەپ.
15 مامىر كۇنى باس پروكۋراتۋرا مەن ىشكى ىستەر مينيسترلىگى كىسى ءولتىرىپ، ءمايىتتى شۇڭقىرعا كومگەن قازاقستان ازاماتىن تۇركيادان ەكستراديتسيالادى.
"2022 جىلعى ناۋرىز ايىندا الماتى وبلىسىندا كۇدىكتى ءوزىنىڭ اعاسىمەن بىرلەسىپ قۇنى 300 ميلليون تەڭگەدەن استام تەمەكى ونىمدەرىن تاسىمالدايتىن جۇك كولىگىنىڭ جۇرگىزۋشىسىنە قاراقشىلىق شابۋىل جاساعان. جۇرگىزۋشىنى ءولتىرىپ، ءمايىتتى جول بويىنداعى شۇڭقىرعا كومگەن", - دەلىنگەن حابارلامادا.
باس پروكۋراتۋرا قىلمىسكەرگە قانداي جازا قاراستىرىلعانىن حابارلادى.
"وسى قىلمىستاردى جاساعانى ءۇشىن مۇلكى تاركىلەنىپ، ون بەس جىلدان جيىرما جىلعا دەيىنگى مەرزىمگە باس بوستاندىعىنان ايىرۋ نەمەسە ءومىر بويىنا باس بوستاندىعىنان ايىرۋ تۇرىندەگى جازا قاراستىرىلعان", - دەدى باس پروكۋراتۋرا.
