بۇگىن باس پروكۋراتۋرا جانە ىشكى ىستەر مينيسترلىگىنىڭ ينتەرپول قىزمەتكەرلەرى قازاقستان رەسپۋبليكاسىنىڭ ارمەنياداعى ەلشىلىگىنىڭ كومەگىمەن قارجى پيراميداسىن باسقارعان قازاقستان ازاماتشاسىن قىلمىستىق جاۋاپكەرشىلىككە تارتۋ ءۇشىن ەلگە ەكستراديتسيالادى، دەپ حابارلايدى «ادىرنا» ۇلتتىق پورتالى.
كۇدىكتى 2019-2021 جىلدار ارالىعىندا قوستاناي وبلىسىنداعى «Finiko» قارجى پيراميداسىنىڭ بولىمشەسىن باسقارىپ، 167 ملن تەڭگەدەن استام سوماعا 40-قا جۋىق ادامدى الداعان. قىلمىس جاسالعاننان كەيىن ارمەنيادا جاسىرىنعان. قازىر كۇدىكتى ەلگە ەكستراتسيالانىپ، اقتاۋ قالاسىنىڭ تەرگەۋ يزولياتورىنا قاماققا الىندى. اتالعان قىلمىستى جاساعانى ءۇشىن 7 جىلعا دەيىنگى مەرزىمگە بەلگىلى ءبىر قىزمەتپەن اينالىسۋ قۇقىعىنان ايىرا وتىرىپ، مۇلكى تاركىلەنىپ، 5 جىلدان 12 جىلعا دەيىنگى مەرزىمگە باس بوستاندىعىنان ايىرۋ تۇرىندەگى جازا كوزدەلگەن.
