رەسەيدىڭ سانكت-پەتەربۋرگ قالاسىندا جولاۋشىلارى بار اۆتوبۋس كوپىردىڭ قورشاۋىن بۇزىپ، مويكا وزەنىنە قۇلاعان، دەپ حابارلايدى “ادىرنا” ۇلتتىق پورتالى.
سول ەلدىڭ توتەنشە جاعدايلار مينيسترلىگىنىڭ حابارلاۋىنشا، اۆتوبۋستىڭ ىشىندە جيىرما شاقتى جولاۋشى بولعان. وقيعا ورنىندا 70 قۇتقارۋشى، 18 تەحنيكا جۇمىلدىرىلعان.
ۆيدەودا كورىنىپ تۇرعانداي، اۆتوبۋس جۇرگىزۋشىسى وزەنگە قۇلاماس بۇرىن، جولداعى ەكى كولىككە سوقتىعىسىپ، جايپاپ وتكەن.
قازىرگى ۋاقىتتا كەم دەگەندە ءۇش ادام قايتىس بولعانى، تاعى التاۋى اۋرۋحانادا ەكەنى ايتىلدى. جەرگىلىكتى اقپارات قۇرالدارى قازا تاپقاندار سانى التىعا جەتكەنىن حابارلادى. اۆتوبۋس ءبىر ساعاتتاي سۋ استىندا جاتتى. كۋاگەرلەردىڭ ايتۋىنشا، ەسىنەن تانىپ قالعان ادامدار بىرىنەن سوڭ ءبىرى سۋدان شىعارىلدى.
