Reseıdiń Sankt-Peterbýrg qalasynda jolaýshylary bar avtobýs kópirdiń qorshaýyn buzyp, Moıka ózenine qulaǵan, dep habarlaıdy “Adyrna” ulttyq portaly.
Sol eldiń Tótenshe jaǵdaılar mınıstrliginiń habarlaýynsha, avtobýstyń ishinde jıyrma shaqty jolaýshy bolǵan. Oqıǵa ornynda 70 qutqarýshy, 18 tehnıka jumyldyrylǵan.
Vıdeoda kórinip turǵandaı, avtobýs júrgizýshisi ózenge qulamas buryn, joldaǵy eki kólikke soqtyǵysyp, jaıpap ótken.
Qazirgi ýaqytta kem degende úsh adam qaıtys bolǵany, taǵy altaýy aýrýhanada ekeni aıtyldy. Jergilikti aqparat quraldary qaza tapqandar sany altyǵa jetkenin habarlady. Avtobýs bir saǵattaı sý astynda jatty. Kýágerlerdiń aıtýynsha, esinen tanyp qalǵan adamdar birinen soń biri sýdan shyǵaryldy.
