قىرعىز-تاجىك شەكاراسىندا اتىس ورىن الدى، دەپ حابارلايدى "ادىرنا" ۇلتتىق پورتالى Orda.kz-كە سىلتەپ.
بۇل تۋرالى قىرعىزستان رەسپۋبليكاسىنىڭ ۇلتتىق قاۋىپسىزدىك مەملەكەتتىك كوميتەتى مالىمدەدى.
ساعات 12:20 شاماسىندا باتكەن وبلىسى لەيلەك اۋدانىنداعى اق-بوسوگو اۋىلى ماڭىندا قىرعىزستان شەكاراشىلارى مال جايىپ جۇرگەن تاجىك شوپاندارىن انىقتاعان.
قىرعىزستاننىڭ ۇلتتىق كوميتەتىنىڭ مالىمەتىنشە، تاجىكستان ازاماتتارى اسكەري قىزمەتكەرلەرگە تاس لاقتىرا باستاعان. ارتىنشا شوپانداردىڭ ءبىرى شەكاراشىلارعا ەكى-ءۇش وق اتقانى انىقتالدى.
«قاقتىعىستىڭ ودان ءارى ورشۋىنە جول بەرمەۋ ءۇشىن قىرعىز شەكاراشىلارى اۋەگە ەسكەرتۋ وقتارىن جاۋدىردى، سودان كەيىن شابۋىلداۋشىلار تاجىكستانعا قاراي شەگىندى. قىرعىزستان شەكاراشىلارى اراسىندا زارداپ شەككەندەر جوق", - دەپ ءتۇسىندىردى قىرعىزستان رەسپۋبليكاسى دەپارتامەنتىنىڭ ءباسپاسوز قىزمەتى.
الدىن الا مالىمەت بويىنشا، تاجىكستاندىقتاردىڭ ءبىرى جارالانعان. تولىق مالىمەت ءالى جاريالانباعان.
ەكى جاقتىڭ شەكارا قىزمەتكەرلەرى جاقىن كۇندەرى كەزدەسىپ، وقيعانى تالقىلايدى دەپ كۇتىلۋدە. قازىر شەكاراداعى جاعداي تۇراقتى دەپ باعالانعان.
