Qyrǵyz-tájik shekarasynda atys oryn aldy, dep habarlaıdy "Adyrna" ulttyq portaly Orda.kz-ke siltep.
Bul týraly Qyrǵyzstan Respýblıkasynyń Ulttyq qaýipsizdik memlekettik komıteti málimdedi.
Saǵat 12:20 shamasynda Batken oblysy Leılek aýdanyndaǵy Aq-Bosogo aýyly mańynda Qyrǵyzstan shekarashylary mal jaıyp júrgen tájik shopandaryn anyqtaǵan.
Qyrǵyzstannyń ulttyq komıtetiniń málimetinshe, Tájikstan azamattary áskerı qyzmetkerlerge tas laqtyra bastaǵan. Artynsha shopandardyń biri shekarashylarǵa eki-úsh oq atqany anyqtaldy.
«Qaqtyǵystyń odan ári órshýine jol bermeý úshin qyrǵyz shekarashylary áýege eskertý oqtaryn jaýdyrdy, sodan keıin shabýyldaýshylar Tájikstanǵa qaraı shegindi. Qyrǵyzstan shekarashylary arasynda zardap shekkender joq", - dep túsindirdi Qyrǵyzstan Respýblıkasy departamentiniń baspasóz qyzmeti.
Aldyn ala málimet boıynsha, tájikstandyqtardyń biri jaralanǵan. Tolyq málimet áli jarııalanbaǵan.
Eki jaqtyń shekara qyzmetkerleri jaqyn kúnderi kezdesip, oqıǵany talqylaıdy dep kútilýde. Qazir shekaradaǵy jaǵdaı turaqty dep baǵalanǵan.
