پرەزيدەنتتىڭ بۇيرىعىمەن ستراتەگيالىق جوسپارلاۋ جانە رەفورمالار اگەنتتىگى توراعاسىنىڭ ورىنباسارى قىزمەتتەن شەتتەتىلدى، دەپ حابارلايدى "ادىرنا" ۇلتتىق پورتالى.
ءتيىستى بۇيرىق 30 ساۋىردە اقوردا سايتىندا جاريالاندى.
«مەملەكەت باسشىسىنىڭ وكىمىمەن اركەن حاميتۇلى وتەنوۆ قازاقستان رەسپۋبليكاسىنىڭ ستراتەگيالىق جوسپارلاۋ جانە رەفورمالار اگەنتتىگى توراعاسىنىڭ ورىنباسارى لاۋازىمىنان بوساتىلدى»، - دەپ جازىلعان اقپاراتتا.
اركەن حاميتۇلى وتەنوۆ 1983 جىلى 15 قاراشادا الماتى قالاسىندا تۋعان. ءال- فارابي اتىنداعى قازاق ۇلتتىق ۋنيۆەرسيتەتىن، كارنەگي مەللون ۋنيۆەرسيتەتىن بىتىرگەن. ول «بولاشاق» باعدارلاماسىنىڭ 2010 جىلعى تۇلەگى. حالىقارالىق قاتىناستار مامانى، ەكونوميست، مەملەكەتتىك ساياسات سالاسىنداعى عىلىم ماگيسترى. پرەزيدەنتتىك جاستار كادرلىق رەزەرۆىنىڭ مۇشەسى.
ەكس-ورىنباسار 2006-2011 جىلدارى ارالىعىندا ەلدىڭ بانك سالاسىندا قىزمەت اتقارعان. ودان كەيىن قازاقستان رەسپۋبليكاسى پرەزيدەنتى اكىمشىلىگىندە، قارجى مينيسترلىگىنىڭ مەملەكەتتىك كىرىستەر كوميتەتىندە قىزمەت اتقارعان. 2019 جىلعى تامىزدان جەلتوقسانعا دەيىن قازاقستان رەسپۋبليكاسى پرەزيدەنتى اكىمشىلىگىنىڭ سىرتقى ساياسات جانە حالىقارالىق بايلانىستار ءبولىمى مەڭگەرۋشىسىنىڭ ورىنباسارى بولدى. ال 2019 جىلعى جەلتوقساننان باستاپ 2020 جىلعى قىركۇيەككە دەيىن قازاقستان رەسپۋبليكاسى سىرتقى ىستەر مينيسترلىگىنىڭ جاۋاپتى حاتشىسى.
2020 جىلعى قازاننان باستاپ بۇگىنگە دەيىن قازاقستان رەسپۋبليكاسىنىڭ ستراتەگيالىق جوسپارلاۋ جانە رەفورمالار جونىندەگى اگەنتتىگى توراعاسىنىڭ ورىنباسارى قىزمەتىن اتقاردى.
