قازاقستان مەن تۇركيا پرەزيدەنتتەرى تەلەفون ارقىلى تىلدەسىپ، ورازا ايت مەرەكەسىمەن قۇتتىقتادى، دەپ حابارلايدى "ادىرنا" ءتىلشىسى اقورداعا سىلتەپ.
بۇگىن مەملەكەتتەر باسشىلارى ورازا ايت مەرەكەسىمەن قۇتتىقتاپ، قازاقستان مەن تۇركيا حالىقتارىنا باق-بەرەكە تىلەدى.
قازاقستان پرەزيدەنتى قاسىم-جومارت توقاەۆ ەلىمىزدىڭ بىرقاتار وڭىرىندەگى سۋ تاسقىنى سالدارىنان قالىپتاسقان كۇردەلى احۋالعا بايلانىستى قولداۋ كورسەتكەنى ءۇشىن تۇركيا باسشىسى رەجەپ
تايپ ەردوعانعا العىس ايتتى.
قازاقستان پرەزيدەنتى تۇركيا رەسپۋبليكاسىمەن باۋىرلاستىق قاتىناستى، سونداي-اق ەكى ەل حالىقتارى اراسىنداعى تۇراقتى ىنتىماقتاستىق پەن ءوزارا تىلەۋلەستىكتى جوعارى باعالايتىنىن مالىمدەدى.
اڭگىمە بارىسىندا پرەزيدەنتتەر ەكى ەل اراسىنداعى ستراتەگيالىق سەرىكتەستىكتى ودان ءارى نىعايتۋ ماسەلەسىن تالقىلاپ، الداعى ۋاقىتقا جوسپارلانعان كەزدەسۋلەر كەستەسىن قاراستىردى.
