Qazaqstan men Túrkııa prezıdentteri telefon arqyly tildesip, Oraza aıt merekesimen quttyqtady, dep habarlaıdy "Adyrna" tilshisi Aqordaǵa siltep.
Búgin Memleketter basshylary Oraza aıt merekesimen quttyqtap, Qazaqstan men Túrkııa halyqtaryna baq-bereke tiledi.
Qazaqstan Prezıdenti Qasym-Jomart Toqaev elimizdiń birqatar óńirindegi sý tasqyny saldarynan qalyptasqan kúrdeli ahýalǵa baılanysty qoldaý kórsetkeni úshin Túrkııa basshysy Rejep Taııp Erdoǵanǵa alǵys aıtty.
Qazaqstan prezıdenti Túrkııa Respýblıkasymen baýyrlastyq qatynasty, sondaı-aq eki el halyqtary arasyndaǵy turaqty yntymaqtastyq pen ózara tileýlestikti joǵary baǵalaıtynyn málimdedi.
Áńgime barysynda prezıdentter eki el arasyndaǵy strategııalyq seriktestikti odan ári nyǵaıtý máselesin talqylap, aldaǵy ýaqytqa josparlanǵan kezdesýler kestesin qarastyrdy.
