جەزقازعانداعى 57 تاس جولدى جوندەۋگە وبلىستىق جانە قالالىق بيۋدجەتتەن 4 ميلليارد 200 ملن قارجى ءبولىندى، دەپ حابارلايدى “ادىرنا” ۇلتتىق پورتالى.
بۇل قارجى 40 شاقىرىم جولدى جوندەۋگە ارنالعان.
7 ورتالىق كوشەدە قيىرشىق تاس قوسىلعان ماستيكالىق بەتون قوسپاسىن قولدانۋدى جوسپارلاپ وتىر. ساراپشىلار ماتەريالدىڭ ونىمدىلىك قاسيەتتەرىن جاقسارتقانىن ايتادى. اكىمدىك قاجەتتى قۇجاتتامانىڭ ساراپتامادان وتكەنىن حابارلادى. جاقىندا كونكۋرستىق پروتسەدۋرالار باستالادى.
“اۆتوموبيل جولدارىنىڭ 65 پايىزى قاناعاتتانارلىق جاعدايدا. جىل سوڭىنا دەيىن بۇل كورسەتكىشتى 69 پايىزعا جەتكىزۋ جوسپارلانۋدا. ينجەنەرلىك جەلىلەردى جوندەۋ كەزىندە جول جۇمىستارىن قاتارلاسىپ اتقارماۋ ءۇشىن الدىن الا بارلىق كوممۋنالدىق قىزمەتتەرمەن جۇمىس جاساۋ گرافيكتەرى سايكەستەندىرىلدى”، - دەدى قالالىق جولاۋشىلار كولىگى جانە اۆتوموبيل جولدارى ءبولىمىنىڭ باسشىسى نۇربول سادىقوۆ.
“ادىرنا” ۇلتتىق پورتالى
