ۇلتتىق بانك كەلەسى جىلعا ارنالعان «7-20-25» باعدارلاماسىنىڭ قارجىلاندىرۋ بيۋدجەتىن جاريالادى

ۇلتتىق بانك كەلەسى جىلعا ارنالعان «7-20-25» يپوتەكالىق نەسيەلەندىرۋ باعدارلاماسى بويىنشا قارجىلاندىرۋ بيۋدجەتىن جاريالادى دەپ حابارلايدى «ادىرنا» ۇلتتىق پورتالى قارجى رەتتەۋشىسىنىڭ ءباسپاسوز قىزمەتىنە سىلتەمە جاساپ.

25 جەلتوقساندا ۇلتتىق بانك كەلەسى جىلعا ارنالعان «7-20-25» يپوتەكالىق باعدارلاماسىن قارجىلاندىرۋ تۋرالى قاۋلى قابىلدادى. قۇجاتقا سايكەس، 2024 جىلعا ارنالعان باعدارلاما جىلدىق قارجىلاندىرۋ رۇقسات ەتىلگەن شەكتى 100 ملرد تەڭگە دەڭگەيىندە بەلگىلەنىپ، توقسان سايىن 25 ملرد تەڭگە كولەمىندە بولىنەدى. «باعدارلاما بويىنشا 2024 جىلعى 1 قاڭتاردان باستاپ بەرىلگەن يپوتەكالىق قارىزدار بويىنشا تالاپ ەتۋ قۇقىقتارىن سەنىمگەرلىك باسقارعانى ءۇشىن بانكتەردىڭ سىياقىسىن جىلدىق 3%-دان 2,5%-عا دەيىن تومەندەتۋ كوزدەلەدى. بۇل تۇزەتۋ باعدارلاما وپەراتورى – «قازاقستاننىڭ ورنىقتىلىق قورى» اق مەن باعدارلاماعا قاتىسۋشى بانكتەر اراسىندا بەلگىلەنەتىن قۇقىقتىق قاتىناستاردى قوزعايدى جانە ازاماتتاردى كرەديتتەۋ شارتتارىنا اسەر ەتپەيدى.»، — دەلىنگەن ۇلتتىق بانكتىڭ سايتىنداعى حابارلامادا. قارجى رەتتەۋشىسىن اقپاراتىنشا، 2023 جىلعى 28 جەلتوقسانداعى جاعداي بويىنشا باعدارلاما اياسىندا 974,1 ملرد تەڭگە سوماسىنا 71 699 جەڭىلدەتىلگەن نەسيە بەرىلگەن.

«ادىرنا» ۇلتتىق پورتالى